Tompek monotap bilo pencen di Tronoh dokek dongan Bandar Sri Iskandar yang posek membangun. Sini aman, udaro pon boroseh. Tapi kadang2 ado pulak oghang bakar sampah maso paneh ni.
Den nak balik Kajang nih. Nasib baik ado tompek singgah sano. Dulu bilo kojo kek Sordang boli ghumah (apartment). Alhamdulillah, dapek juo botukar angin. Besok pagi botolak. Nak singgah Frasers Hill somalam. Dulu maso mulo kojo dengan MARDI ado buek projek tanam sayo tanah tinggi kek sano. Toingat balik corito lamo.
Dongar Nuar nak masuk Kajang. Yo lah bini e MP sano. Kono lah gayo tu. Ado kawan cakap makan kek kodai topi Jln Penjagho tu sodap. Tapi den tak ponah poi. Nuar singgah lah kek situ yo sobolom masuk jail. Kalau lain maso boleh juo. Baya kek den sojuta duo sotahun buleh den anta apo yang kau hondak yang monosabah.
Maso sokolah ghondah dorjah VI kek Tampin dulu ado interbiew masuk MCKK. Tak dapek. Sobab bilo dio tanyo abah den ado duit tak nak masuk MCKK. Abah den kato tak ado. Dio cakap lughus. Maklum lah abah den motong gotah jo.
Tapi kalu dapek masuk dulu ontah apo pulak jadi kek den. Umor den kek sobayo dengan Nuar tu. Ontah2 kono sumbek tang blakang. Golo dek eh. Budak kampong apo tau maso tu. Ingat nak syok2 ajo. Tak tau bondo tu doso.
Kalau nak kiro Nuar ni hebat jugak oghang nyo. Putar alam sepo tak buleh lawan. Bak kato "Sopandai-pandai tupai melompek jatuh juo dio."
postcript: Nuar poi tompek lamo, Sg Buluh. Yo, Kajang untuk ponjonayah mobahayo, habih Nuar kono siek2.
No comments:
Post a Comment